Mari kekeselen ngerombeng gak oleh-oleh, Kayat katene ngaso ngisore wit asem, mripate nguantuk, sikile kemeng, wetenge lue. Sik tas katene keturon, dhadhak sikile ngincak botol. Bareng botole dijupuk dhadhak metu beluke, Kayat mencolot kuaget. "Hua ha ha ha, jenengku jin botol, telu panjalukmu bakal tak turuti," jare jine.
"Gak percoyo aku, paling kon kate mbujuki aku. Biyen aku iki guanteng lan sugih, lha saiki aku malih ireng mlarat koyok ngene iki mergo dibujuki ambek jin" jare Kayat.
"Lho biyen iku be'e awakmu pethuk ambek jin kaspo, lha aku iki khan jin apikan tah, dhadi wis gak usah kuatir. Opo maneh awakmu wis kadhung koyo ngono, gak bakal iso luwih soro maneh. Wis tah, gak rugi pokoke. Lek gak percoyo, cobaken njaluk dhisik ae, njaluk opo," jare jine maneh.
"Yo wis, awas lek awakmu mbujuki. Tak gibheng kon !!! Sing pertama aku pengin duwit sak karung," Jare kayat.
"Meremo dhiluk.." jare jine.
Ting, pas melek moro-moro, ndik ngarepe kayat wis ono duit sak karung, seket ewuan kabeh.
"Sik gak percoyo tah awakmu, saiki njaluk opo maneh .. ?" jare jine.
"Saiki .... aku njaluk omah mewah sak montore, pokoke lengkap sembarange." jarene Kayat.
"Meremo dhiluk.." jare jine.
Ting...pas melek moro-moro Kayat wis nang njero omah sing uapik, Kayat seneng gak karuan.
"Lha saiki kari sithok panjalukmu sing isok tak turuti, pikiren sing temenan cik gak getun" jare jine.
Ambek merem-merem mbayangno, Kayat njaluk, "Aku kepingin kulitku malih putih wudho dirubung wong wedhok akeh".
Pas katene melek, samar-samar Kayat krungu suorone wong wedhok rame ambek keroso awake dicekel-cekel. Tapi kok mambu iwak pindang, pikire Kayat mulai curiga. Bareng melek, Kayat kuaget lha kok wis nang tengah pasar, tibake Kayat wis dadi ”TAHU”.
Tidak ada komentar:
Posting Komentar